Хъæбатырты кадæн

Фыдыбæстæйы Стыр Хæсты хъæбатырты нæмттæ мысынæн... Нæ республикæйы сæргълæууæг Битарты Вячеславы хъæппæрисæй Хицауады хæдзары фойейы байгом кодтой, Советон Цæдис, Уæрæсе æмæ Социалистон фæллойы хъайтарты, стæй намысы ордены кавалерты нæмттæ фыст кæм уыдзысты, ахæм намысы къул. Кадджын мадзалмæ æрæмбырд сты хицаудзинады оргæнты, администрациты æмæ æхсæнады минæвæрттæ. Уæлдай буц ма скодтой ивгъуыды хæстонты хиуæтты. Хицауады хæдзары дыккаг уæладзыджы та байгом кодтой Цæгат Ирыстоны разамонджыты портретты равдыст. Равдыст сарæзтой нывгæнæг Хъулаты Сосланы хъæппæрисæй. Республикæйы сæргълæууæг Битарты Вячеславы ныхæстæм гæсгæ, ахæм мадзал у ахсджиаг цау. Цæгат Ирыстоны сæргъы алы азты лæууыдысты адæмы хуыздæр минæвæрттæ, сæ цард æмæ фæллойадон фæндаг дæнцæгæн хæссинаг кæмæн сты, уыдон. Битарты Вячеславы хъуыдымæ гæсгæ ма, ахæм намысы къултæ хъуамæ фæзыной республикæйы ахуыргæнæндæтты дæр. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv