Завод «Дарьял» байгом кодта турнир мини футболæй

Дзæуджыхъæуккаг завод «Дарьял»-ы хъæппæрисæй нæ республикæйы байгом егъау турнир мини-футболæй зæгъгæ. Архайдзысты дзы 34 футболон командæйы. Уыдонæй 10 сты футболæй цæрæнбонты чи хъазы, ахæмтæ. Æдæппæттæй 600 адæймаджы. Сæ кармæ гæсгæ адих уыдзысты 2 къордыл: 18 азæй-35 азы онг кæуыл цæуы æмæ 35 азæй хистæр чи у, ахæмтæ. Заводы генералон директор Сайлаонты Татьянæйы ныхæстæм гæсгæ, ахæм турниртæ аразын у ахсджиаг, уæлдай дæр та нæ республикæйы. Фæсивæд æнæниз царды уаг æмæ спортмæ æрбангом вæййынц. Турниры уæлахиздзауты схорзæхджын кæндзысты алыхуызон лæвæрттæй. Зæгъæм, 3-аг бынат цы къорд бацахса, уыдоны схорзæхджын кæндзысты 50 мин сомæй, 2-аг бынаты уæлахиздзауты - 75 мин сомæй, æмæ 1 бынатмæ чи схиза, уыдонмæ та 125 мин сомы æнхъæлмæ кæсы. Турнир райдайдзæн 6 июлы æмæ ахæсдзæн 28 сентябры онг. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv