Өйдөбүл күнэ

Бүгүн олунньу 21 күнүгэр, Аҕа дойду көмүскээччилэрин күнүн көрсө, 1995 сыллаахха олунньу 23 күнүгэр Чечня сэриитигэр сырдык тыынын толук уурбут Александр Парфенов өйдөбүнньүгэр венок ууруу тэрээһинэ буолла. Ахтан-санаан ааһар тэрээһиҥҥэ Александр кылгас ол эрэн чаҕылхай олоҕу олорон ааспытын санаан аастылар, кини оҕо сааһыттан барыга бары дэгиттэр этэ, ордук эт-хаан өттүнэн сайдыылааҕа, спортунан сөбүлээн дьарыктанара. Афанасий Осипов аатынан орто оскуола үрдүкү кылаастарын уолаттара өйдөбүнньүккэ гирлянда уурдулар. Байыаннай дьайыы кыттыылаахтарыгар анаммыт сквер, Парфёнов уулуссатын 5 "А" нүөмэрдээх аадырыһыгар турбут 4 кыбартыыралаах дьиэ оннугар тутуллуоҕа. Бу сквергэ Александр Парфенов мемориальнай дуоската көһөрө былааннанар диэн нэһилиэк баһылыга Алексей Аргунов иһитиннэрдэ.