Дзæуджыхъæуы сбæрæг кодтой туризмы æппæтдунеон бон

Туризмы æппæтдунеон бон сбæрæг кодтой Дзæуджыхъæуы. Республикæйы цæрджытæ æмæ уазджытæн бацæттæ кодтой æрмдæсныты армукъа, националон кæлмæрзæнтæ хуыйынæй дæсныйадæвдисæн ахуыртæ. Спортуарзджытæн та хъаматæй нырыккон тохы Федераци бацæттæ кодта æцæг ныхмæлæудтæ. Бæрæгбоны архайджытæ фæлвæрдтой чъиритæ æмæ бæгæны фыцын, бæрæгбон ма саив кодтой адæмон кæфтытæй дæр. Мадзаларазджытæ — туризмы райрæзты фонд. Ведомствойы сæйраг нысан уыд республикæйы уазджытæн равдисын культурон æмæ националон колорит, уыимæ Ирыстоны уазæгуарзондзинад.