Математикæйы рæзтæн хорз фадæттæ

Республикон физикон-математикон лицейы Битарты Вячеслав абон сарæзта æмбырд. Æрдзырдтой дзы математикон наукæты рæзтыл.  Зæгъын хъæуы уый æмæ технопарк "Кванториум" саразынæн равзæрстой ацы ахуыргæнæндон. Федералон конкурсы уыдис 13 уæлахиздзауы, фæлæ технопарк саразыны бар радтой Цæгат Ирыстонæн. Ахуыр дзы кæндзысты 11 азæй - 16 азы онг кæуыл цæуы, ахæм скъоладзаутæ. Æдæппæтæй уыдзысты мин сывæллонæй фылдæр. Битарты Вячеславы хъуыдымæ гæсгæ, математикæйы рæзт хуыздæрырдæм фæзындзæн наукон куыстыл дæр. Фидæны нæм хъуамæ фæзына ног техникон дæсныйæдтæ, инженертæ æмæ æндæр специалисттæ. Фембæлды рæстæг ахуырады министр Азымтæ Иринæ радзырдта ахуыргæнæндон йæ размæ цы нысæнттæ сæвæрдта, уыдон. Сæ ахсджиагдæртæ сты: нæ бæстæйы сæйраг уæлдæр скъолатимæ æмгуыстад, лицейы профилон хайæдты студенттæн кусыны бар радтын, уыдонимæ ма педагогты фæлтæрддзинадыл æмæ сын сæ зонындзинæдтæ фылдæр кæныныл кусын. Ныртæккæ лицейы ахуыр кæнынц иу мин æмæ дыууæ сæдæ ахуырдзауы. Æрвылаз республикæйы уæлдæр ахуыргæнæндæтты абитуриентты 65% вæййынц лицейы рауагъдонтæ. _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv