Федералон центр рахай кæндзæн фæрæзтæ медицинон кусджыты фиддонтæ баххæст кæнынæн

50 милиард сомæй фылдæр рахай кæндзысты, коронавирусæй рынчынтимæ цы медиктæ кусынц, уыдонæн социалон фиддонтæн. Сæрмагонд бардзырд бафыста Михаил Мишустин. Фæрæзтæ рахай кæндзысты Уæрæсейы хицауады уæлæмхасæн фондæй. Сæ руаджы фиддонтæ баххæст кæндзысты 2022 азы январы кæронмæ. Президенты уынаффæмæ гæсгæ ахæм хуызы æххуыс исынц дохтыртæ, астæуккаг æмæ кæстæр медицинон кусджытæ, фелсыртæ, æмæ тагъд æххуысы службæйы шофыртæ. Федералон центр ма фæрæзтæ рахай кæндзæн рынчындæттæм туаггыр ласынæн сæрмагонд хæдтулгæтæн. Уыцы фӕрӕзтӕй балхæндзысты техникæйы 86 иуæджы. Афтæмæй рынчындæтты фаг уыдзæн медицинон туаггуыры æвæрæнтæ. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv