Куыд æппæт Уæрæсейы, афтæ нæ республикæйы скъолаты рауагъдонтæ дæр дæттынц иумæйаг паддзахадон фæлварæнтæ. Абон сæ зонындзинæдтæ æхсæнадзонынадæй бæрæг кæнынц 2 минмæ ввахс адæймаджы. Фæлварæн раттынмæ бацæттæ кодтой 11 пункты. Се ‘ппæт дæр ифтонггонд сты видеоцæстдарды системæтæ æмæ экзаменæн хъæугæ æрмæджытæй. Фæлварæны цыдмæ сæ хъус дарынц федералон эксперттæ, республикæйы ахуырад æмæ наукæйы министрады кусджытæ. Рауагъдонты æдæппæтæй баххæст кæнын хъæуы 25 хæслæвæрды. Уый тыххæй сын рахай кодтой 3 сахаты æмæ 30 минуты. Æхсæнадзонынадæй фæлварæны бæрæггæнтæ сбæрæг уыдзысты 23-æм июнмæ. Ахуырады æмæ наукæйы министрады та кусы сæрмагонд телефон иумæйаг паддзахадон фæлварæны фарстаты фæдыл. Уæ бон у бадзурын ахæм номырмæ — 53-49-40.