Дзуапп ратдзысты

Компани «РусГидро», гæнæн ис, æмæ ивар бафида, Зæрæмæджы гидроэлектростанцæты сæйрагдæр афоныл кæй не скуыста, уый тыххæй. Ууыл дзурæг у проекты протокол дæр. Цы дзы фыст ис, ууыл бæлвырддæр æрдзурдзысты «Совет рынка», зæгъгæ, ассоциацийы æмбырды. Ныхас ма дзы кæндзысты компани «РусГидро»-йы ныхмæ санкцитæ снысан кæныныл дæр. Энергетикты ныхæстæм гæсгæ, Зæрæмæджы фыццаг ГЭС-ы арæзтад кæронмæ хъуамæ ахæццæ уыдаид ивгъуыд азы. 2019-æм азы 1-æм январы та ног станцæ хъуамæ бакуыстаид йæ фыццаг киловатт-сахæттæ. Фæлæ хъуыддæгтæ нытътъанг сты. Кæронмæ сын ахæццæ уæвыны амал нал ис. Уæ зæрдыл уын æрлæууын кæндзыстæм, Зæрæмæджы ГЭС-1 у гидроэнергетикон комплекс «Зарамагские ГЭС», зæгъгæ, уыдоны хай. Комплекс ис Алагиры районы, кусы Æрыдоны доныл. Иннæ станцæтæй уыдзæн зынгæ тыхджындæр. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv