Иран æмæ Уæрæсейы `хсæн ахастдзинæдтæ куыд фидардæр кæнынц, уый тыххæй ныхас кодтой сæрмагонд æмбырд

Иран æмæ Уæрæсейы хсæн ахастдзинæдтæ куыд фидардæр кæнынц, уый тыххæй æрныхас кодтой сæрмагонд æмбырды. Архайдтой дзы Цæгат Ирыстоны национ ахастдзинæдты фарстаты фæдыл министрад, æхсæнад «Иран-Иристон» æмæ Цæгат Ирыстоны Хæлардзинады хæдзары минæвæрттæ. Мадзал ацыд национ зонадон чиныгдоны. Архайджытæ сæ размæ цы фарстатæ рахастой, уыдоныл бæлвырдæй æрдзырдтой. Се ’хсæн: Ирайнаг æмæ ирон æвзæджы ’хсæн иудзинад, æрбайсгæ дзырдтыл æмæ сæ иухуызон нысаниуæгыл. Æгъдæутты уагæвæрдты дæр ис иумæйаг фæзилæнтæ. Уыцы æууæлтæ фæлхат кæнгæйæ, æмбырды архайджытæ скодтой хатдзæгтæ - Иран æмæ Цæгат Ирыстонæн иухуызон уидæгтæ ис, уымæй уæлдай ма нæ культурæ æмæ традицитæ дæр кæрæдзимæ æввахс лæууынц. Уымæ гæсгæ ахæм æмбырдтæ ахсджиаг сты. Фæнысан ма кодтой, цавæр æххæстгæнинаг хъуыддæгтæ хъæуы снысан кæнын, уыдон. Алчидæр сæ йæ фæндон бахаста. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv