Сергей Меняйло фембæлд Уæрæсейы адæмон артист Александр Калягинимæ. Ныхас кодтой аивады райрæзт æмæ бæстæйы театралон архайджыты цæдисы æмгуыстадыл. Республикæйы сæргълæууæг куыд фæнысан кодта, афтæмæй ныртæккæ егъау куыст цæуы бæстæйы иунæг чи у, уыцы бæхты театр «Нарты»-йы ног уддзæф бауадзыны фæдыл. Фидæнмæ пълæнтты ма ирыстойнаг академион театры рацарæзт. Уыцы иу рæстæг ма регионы цæттæ кæнынц хъæугæ специалистты. Александр Калягин куыд загъта, афтæмæй цæттæ у республикæйы фарсмæ балæууынмæ, цæмæй æмткæй аивад бæрзонддæр къæпхæнмæ схиза.