Битарты Вячеслав арфæ ракодта Ирыстоны цæрджытæн Хетæджы Уастырджийы боны фæдыл

Ирыстоны цæрджытæ абон сæмбæлдысты сæ кадджындæр бæрæгбæттæй иу - Хетæджы Уастырджийы боныл. Алы ирон хæдзары хистæртæ дæр скуывтой се `ртæ чъирийы, сæхи æмæ сæ кæстæрты бафæдзæхстой Тымбылхъæды дзуарыл. Куырдтой æнæниздзинад, амонд æмæ бæллиццаг фидæн. Хуыцауы арфæ сæ фæндыд Ирыстоны фæрныгад æмæ сабыр цардæн дæр ракурын. Гъемæ, алкæмæн дæр йæ хуыздæр куывд нысаныл сæмбæлæд. Бæрæгбоны арфæтæ адæмæн ракодта нæ республикæйы сæргълæууæг Битарты Вячеслав дæр æмæ йæм байхъусæм. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv