Регионты 'хсæн форумы архайджытимæ фембæлд Сергей Меняйло

Нырыккон Уæрæсейы сгуыхтдзинæдтæ, информацион быцæутæ æмæ президенты æвзæрстытæ ног геополитикон уавæрты. "Время выбирать", зæгъгæ, регионты 'хсæн форумы ацы темæтæ уыдысты сæйраг. Ацы бонты цæуы Дзæуджыхъæуы, йæ архайджытæ — "Æппæтдунеон фæсивæды фестивалы" фæсарæйнаг делегаци. Фæсивæдæн сарæзтой лекцитæ, дæсныйад æвдисæн ахуыртæ æмæ пленарон дискусситæ. Форумы куысты архайдта Сергей Меняйло. Республикæйы сæргълæууæг аныхас кодта уазджытимæ, дзуæппытæ сын радта сæ фæрстытæн. Форум баст у Президенты æвзæрстытимæ. Йæ саразыныл бацархайдтой Уæрæсейы æхсæнад "Знание", республикæйы æвзарæн къамис æмæ Фæсивæды хъуыддæгты фæдыл комитет.