Медицинон кусджыты бон

Медицинон кусджыты бæрæгбоны агъоммæ Дзæуджыхъæуы схорзæхджын кодтой къабазы хуыздæр кусджыты. Кадджын мадзал уыд ирон театры. Медицинон кусджытæн арфæйы æмæ бузныджы ныхæстæ загътой нæ республикæйы сæргълæууæг Битарты Вячеслав, Парламенты сæрдар Алексей Мачнев æмæ æнæниздзинад хъахъхъæныны министр Михаил Ратманов. Æнæниздзинад хъахъхъæнадмæ стыр æвæрæн чи бахаста, уый тыххæй 12 адæймагæн радтой æнæниздзинад хъахъхъæнынады сгуыхт кусджыты нæмттæ. 16 адæймаджы та кады гæххæттытæй хорзæхджынгонд æрцыдысты. Æнæниздзинад хъахъхъæнынады кусджытæн зæрдиаг ныхæстæ загъта министр Михаил Ратманов. Бæрæгбоны кадджын мадзалы Битарты Вячеслав куыд фæнысан кодта, афтæмæй нæ республикæйы амбулаториты æмæ поликлиникæты арæзтад дарддæр дæр цæудзæн. Æрыгон специалистты алывæрсыг мадзæлтты фæрцы разæнгард кæндзысты кусынмæ районтæм æмæ хъæутæм цæуынмæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv