110 шахматты къласы фæзындзæн республикæйы скъолаты

110 шахматты къласы фæзындзæн республикæйы скъолаты. Хъæугæ кусæнгарзæй сæ сифтонг кодтой национ проект «Образование»-йы программæтæй иу «Успех каждого ребенка»-мæ гæсгæ. Проектмæ гæсгæ скъолаты сарæзтой уæлæмхасæн ахуырады ног бынæттæ. Алы комплектмæ дæр хауы демонстрацион фæйнæг фигурæтимæ, шахматты фæйнæг фидаргон кæмæ у, ахæм стæъæлттæ, фигурæтæ æмæ сахаттимæ, стеллаж, креслæтæ æмæ пуфтæ. Шахматтæй хъазæн уаттæ саразынæн федералон бюджетæй рахай кодтой 9 милуан сомæй фылдæр. Цæгат Ирыстоны ахуырад æмæ наукæйы министр Людмилæ Башарина куыд зæгъы, афтæмæй кусæнгарз ныридæгæн хæццæ кæнын райдыдта республикæйы ахуыргæнæндæттæм. Фыццаг федералон субсиди рахай кодтой 100 комплекты балхæнынæн. Уыцы фæрæзтæй фæстæдæр бантыст 10 комплекты фылдæр балхæнын. Уыцы иу рæстæг иу шахматты уаты сæ бон ахуыр кæнын уыдзæн 12 сывæллонæн. Министр ма куыд фæбæрæг кодта, афтæмæй республикæйы фæстаг рæстæг фылдæр цæстæнгас здахын райдыдтой шахматты ахуырады рæзтмæ. Уый фæдыл сæрмагонд проект бынæттон профилон министрады æххæст кæнынц 2018-æм азæй. Проекты руаджы шахматтæ хауын райдайдзысты скъолайы ахуырадмæ. Уый та сывæллæтты логикæ фæхуыздæр кæндзæн. Уæдæ уæлæмхасæн ахуырадмæ дæр фылдæр сывæллæттæ æмхиц уыдзысты. Зæгъын хъæуы уый дæр, æмæ федералон проект «Успех каждого ребенка»-мæ гæсгæ Цæгат Ирыстоны уæлæмхасæн ахуырады 2021-æм азмæ фæнд кæнынц 25 мин ног бынаты байгом кæнын. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv