Пайдайаг æмгуыстад

Компани «Ремдизелы» минæвæрттæ Татарстанæй ссыдысты Дзæуджыхъæумæ. Æркастысты завод «Бином»-ы фæзуæттæм. Инвестортæ фæнд кæнынц Цæгат Ирыстоны лæггæдты центр байгом кæнын. Цалцæг дзы кæндзысты саст æмæ хæлд КАМАЗ-тæ. «Ремдизель» у, хæдтулгæтæм техникон æгъдауæй кæм кæсынц, сæрмагонд ахæм куыстуат. Республикæйы промышленность æмæ транспорты министр Хайдарбек Бутовы ныхæстæм гæсгæ, проект æххæст кæныныл дзурын нырма раджы у. Арæзтады министрады минæвæрттæ уал раздæр хъуамæ бæстыхæйттæн скæной иртæстытæ. Уый фæстæ æмгуыстады фарстатыл бæстондæр æрдзурдзысты. Инвестортæ куыд зæгъынц, афтæмæй сæ фæндид Дзæуджыхъæуы КАМАЗ-тæ цалцæггæнæн куыстуат байгом кæнын. Географион æгъдауæй бынат тынг хорз у. Нæ республикæйы экономикæйæн та уый уыдзæн пайда. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv