Схорзæхджын кодтой фестиваль «Молодость Осетии» уæлазидзауты

Цæгат Ирыстоны фæсивæдон галуаны схорзæхджын кодтой фестиваль «Молодость Осетии» дельфиаг хъæзтыты республикон къæпхæны уæлазидзауты. Уыдон къуырийы дæргъы сæхи бæстонæй цæттæ кодтой. Уæ зæрдыл ма уын æрлæууын кæндзыстæм, æрæджы аивæдты колледжы цыдысты æвзæрстытæ. Уым чи фæуæлахиз, уыдон абон архайдтой гала-концерты. Гран-при чи райста, уыцы уæлахидзауы та арвитдзысты Уæрæсейы дельфиаг хъæзтытæм. Абон нæ республикæйы фæсивæдон галуаны къах авæрæн нал уыд. Æрæмбыр дзы сты бирæ адæм. Куыд хистæртæ, афтæ æрыгæттæ. Алчидæр йæхи цæттæ кæны ахсджиаг мадзалмæ. Фæлæ ацы хатт бирæтæм нæй музыкалон инструменттæ. Уымæн æмæ сæхи цæттæ кæнынц хæрзиуджытæ райсынмæ. Архайджытæ ацы фестивальмæ рагæй цæттæ кодтой сæхи. Æрвылазон фестиваль «Молодость Осетии», зæгъгæ, у республикон къæпхæн. Йæ сæйраг нысан - Цæгат Ирыстоны курдиатджын фæсивæды раиртасын æмæ сæ Уæрæсемæ арвитын. Фестивалы æрвылаз бацархайы 800 адæймагæй фылдæр. Сæ кар 10 азæй 30 азы онг. Конкурсы программæйы ацы аз æрцыдис ивддзинæдтæ. Ныр номинацитæм бафтыд ноджыдæр иу. Фугæнгæ инструменттæ, зæгъæ. Уæдæ архайджыты нымæц дæр къаддæр нæ кæны. Ацы фестивалы бацархайдтой колледжы ахуыргæнинæгтæ, нæ республикæйы скъоладзаутæ æмæ Дзæуджыхъæуы районты минæвæрттæ. Мадзал та бацæттæ кодтой нæ республикæйы фæсивæды хъуыддæгты комитет, Цæгат Ирыстоны культурæйы министрад æмæ Гергиты Валерийы номыл аивæдты колледж. Фестиваль «Молодость Осетии» у дельфиаг хъæстыты республикон къæпхæн. Арæзт цæуы æрвылаз, ныр 19 хатт. Ацы хатт гала-концерты гран-при райста нæ республикæйы аивæдты колледжы студент Тедееты Азæмæт. Йæ номинаци «Национальная гармоникæ»-йы се `ппæтæй хуыздæр. Тагъд рæстæджы, Омскы, Цæгат Ирыстоны республикон къæпхæны чи рамбылдта, уыдон сæхи равдисдзысты Æппæтуæрæсеон Дельфиаг хъæстыты. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv