Гуманитарон наукæты нырыккон райхалинаг фарстатыл дзурынц æрыгон ахуыргæндты æппæтадæмон скъола-конференцийы. Цæуы Цæгат Ирыстоны гуманитарон æмæ социалон иртасæнты институты. Дзæуджыхъæуы ныр 17-æм хатт ӕрбамбырд вӕййынц наукон иртасджытӕ. Ацы хатт сты Цæцæн, Кæсæг-Балхъар, Узбекистан, Хуссар Ирыстон, Япони, Камерун æмæ Суданы раззагдæр специалисттæ. Уыдон бакæсдзысты лекцитæ æмæ сараздзысты дæсныйадæвдисæн ахуыртæ. Къабæзтæ сты алыхуызон — истори æмæ этнологи, культурологи æмæ археологи, æвзагзонынад, фольклористикæ æмæ æхсæнзонынад. Иу фæз æрбангом кодта студенттæ æмæ ахуыргæндты. Ахæм мадзал у иунæг æппæт Цæгат Кавказы.