Адæмы бартæ хъахъхъæнæгæй Цæгат Ирыстоны снысан кодтой Цгъойты Тамерланы

Адæмы бартæ хъахъхъæнæгæй Цæгат Ирыстоны снысан кодтой Цгъойты Тамерланы. Уый тыххæй фехъусын кодтой республикæйы парламенты радон æмбырды. Сæрдариуæг дзы кодта Алексей Мачнев. Цгъойты Тамерланы кандидатурæ депутатты размæ рахаста Битарты Вячеслав. 52 депутатæй 49 схъæлæс кодтой йæ кандидатурæйыл. Цгойты Тамерлан райгуырд Елхоты 1981 азы. Ахуыр кодта ЦИПУ-йы, уый фæстæ каст фæци Мæскуыйы паддзахадон юридикон академи. 2007-æй 2011-æм азты куыста Цæгат Ирыстоны Парламенты раззагдæр консультантæй. 2011-2015 азты республикæйы Конституцион тæрхондоны тæрхонгæнæгæй. У Цæгат Ирыстоны национ спорты хуызтæ æмæ культурæйы федерацийы минæвар. Бæрнон бынаты размæ куыста коррупцийы ныхмæ тохы управленийы разамонæгæй. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv