Сергей Меняйло фембæлд скъоладзауты æппæтуæрæсеон олимпиадæ «Софиум»-ы лауреаттимæ. Хуыздæрты æхсæн разындысты Цæгат Ирыстоны скъоладзаутæ дæр. Уæлахиздзаутæй иу сси республикон физикон-математикон лицей-интернаты 11-æм къласы ахуырдзау Георгий Миронов. Призертæй та иу сси Дзæуджыхъæуы 5-æм гимназы 11-æм къласы ахуыргæнинаг - Моргуаты Азæмæт. Республикæйы сæргълæууæг ма арфæ ракодта Гуыриаты Дианæйæн. Уый рамбылдта æппæтуæрæсеон æркаст «Учимся выбирать»-ы. Олимпиадæ «Софиум» аразынц 2019-æм азæй. Ацы хатт дзы архайдтой 12 мин хистæркъласоны. Уыдон уыдысты нæ бæстæйы 85 регионæй. Йæ сæйраг аразæг у Уæрæсейы центрон æвзарæн къамис. Йæ нысан та - æрыгæтты сфæлдыстадмæ стæй æвзæрстыты куыст зонынмæ сцымыдис æмæ æмхиц кæнын, уыимæ ма бартӕ зонынады культурæ рæзын кæнын.