Ахадгæ фембæлд

Дзæуджыхъæуы уыдис республикæйы сæргълæууæг Битарты Вячеславы брифинг. Дзыллон информацион фæрæзты минæвæрттæн радзырдта Цæгат Ирыстоны 2030 азы онг социалон-экономикон райрæзты программæйы тыххæй. Документ цæттæ кодтой иу аз. Декабры йæ рахæсдзысты æхсæнады размæ. Цæгат Ирыстоны райрæзтыл дзурдзысты дискуссийы хуызы. Мадзалы бацархайыны фадат ратдзысты алкæмæн дæр. Бæлвырд кæндзысты ахæм программæтæ, куыд туризм, логистикæ, ахуырад, паддзахадон арæзт, агропромышленнон комплекс, культурæ æмæ сфæлдыстад. Райрæзты программæ арæзт æрцыд Цæгат Ирыстоны хицауад æмæ Леонтьевы центры хъæппæрисæй. Республикон райрæзты агентад программæтæ æххæст кæндзæн бæлвырд рæстæгмæ. Цæгат Ирыстоны сæргълæууæг Битарты Вячеслав куыд зæгъы, афтæмæй алы проектмæ дæр йæ хъус дардзæн. Уæлдайдæр та, цы `мгъуыдмæ конд цæудзысты, уымæ. Программæйыл чи бакуыста, уыдоны ныхæстæм гæсгæ йæ руаджы федералон æмæ республикон фæрæзтæ пайдаимæ хардз кæндзысты. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv