Скъолаты разамонджыты хæдивджытæн, мæскуыйаг программæмæ гæсгæ, сарæзтой ахуыртæ

Цæгат Ирыстоны скъолаты разамонджыты хæдивджытæн, мæскуыйаг программæмæ гæсгæ, сарæзтой дæсныйад бæрзонддæркæныны ахуыртæ. Цæуынц Ахуырады кусджыты зонындзинæдтæ уæлдæргæнæн институты. Архайдтой дзы 50 адæймагæй фылдæр. Уыдис дзы онлайн-трансляци. Уый  фæрцы, чи не `рбацыд, уыдонæн уыд фадат мадзал фенын æмæ хатдзæгтæ скæнын. Ахуыртæ цæуынц 3 къуырийы дæргъы. Абон та Мæскуыйæ ссыд сæрмагонд къамис, уыдон бæстонæй радзырдтой программæйы ахадындзинады тыххæй. Ног ахуырадон методикæтæй куыд пайда кæнын хъæуы бæстондæр, скъоладзауты ахуырады хæрзхъæддзинад фæбæрзонддæр кæнынæн цавæр уавæртæ скæнын хъæуы, æппæт ацы фарстатыл æрдзырдтой институты. Бирæгъзæнджы скъолайы разамонæджы хæдивæг Ботъоты Иринæ куыд бафиппайдта, афтæмæй ацы курсытæ сты ахсджиаг. Татьяна Новикова, Мæскуыйы центры ахуырады райрæзты хайады разамонæджы хæдивæг: «Нырыккон технологитæм ахæссæн ис видео-360, зæгъгæ, нырыккон информацион фæрæзтæ,  уыдонæй алкæй бон дæр у спайда кæнын, лæвæрд цæуынц сæрмагонд хъусынгæнинæгтæ дæр, уыдоны фæрцы ахуыргæнæгæн фадат ис ахуырдзаутæн æрмæг ссарын æмæ дзы спайда кæнын». _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv