Дзæуджыхъæуы байгом кодтой гыкъынаты равдыст

Нарты кадджыты æмæ сывæллæтты аргъæутты хъайтартæ, æцæг историон адæмтæ - Дзæуджыхъæуы байгом кодтой гыкъынаты равдыст. Ис дзы æлыгæй конд экспонаттæ, папье-маше, фольга æмæ æндæр æрмæгæй конд гыкъынатæ. Дæсны Дзиццойты Каринæ ацы хъудыйыл архайдта афæдз. Иу экспонат саразынæн бахъæуы къуырийæ дыууæ мæйы онг, гыкъына цавæр у, уымæ гæсгæ. Дæсны кусы æнæ эскизтæй, ног хъуыдытæ та йæм фæзыны кусгæ кусыны. Цымыдисаг равдыст бабæрæг кæнæн уыдзæн июлы кæронмæ Дзæуджыхъæуы центрон чиныгдоны.