Дохтырты æмбырд

Цæгат Ирыстоны медицинон академийы уыд эндокринологты наукон-практикон конференци. Дзæуджыхъæумæ ссыдысты хуыздæр специалисттæ нæ бæстæйы алы регионтæй: Мæскуыйæ, Стъараполæй, Кæсæг-Балхъарæй. Æмбырдæн разамынд лæвæрдта Цæгат Ирыстоны æнæниздзинад хъахъхъæныны министр Годжыцаты Тамерлан. Мадзалы архайдтой кадджын уазджытæ дæр. Се `хсæн Уæрæсейы сывæллæтты сæйраг эндокринолог Валентина Петракова. Дохтыртæ кæрæдзийæн дих кодтой сæ фæлтæрдзинад. Сæ сæйраг нысан- сæкæрнизæй рынчын чи у, уыцы адæмы æрвылбоны цард фæрогдæр кæнын. Уымæй уæлдай ма дзырдтой низ рагагъоммæ базоныны тыххæй профилактикон мадзæлттæ саразын. Уæлдай `ргом аздæхдтой сывæллæты ацы низæй бахъахъхъæнынмæ. Уæрæсейы хуыздæр эндокринологтæ консультацийы сараздзысты рынчынтæн. Мадзалы руаджы специлисттæм бацæуыны фадат фæзындзæн республикæйæ йæ бон ацæуын кæмæн нæу, удонæн. Дохтыртæм нæ республикæмæ сывæллæттæ ссыдысты хæстæгдæр 7 регионæй. Уый тыххæй академийы радих кодтой сæрмагонд бæстыхай. Сифтонгæй кодтой хъæугæ кусæнгæрзтæй. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv