Стыр бæрæгбон

Хуссар Ирыстоны сбæрæг кодтой паддзахады хæдбардзинады 10 азы бон. Уæ зæрдыл уын æрлæууын кæндзыстæм, 2008 азы 26 августы уæды президент Дмитрий Медведев Хуссар Ирыстон банымадта хæдбар паддзахадыл. Бæрæгбоны фæдыл Хуссар Ирыстонмæ ссыд бирæ уазджытæ. Арæзт æрцыдысты алыхуызон мадзæлттæ. Сæ сæйрагдæр ирон адæмы 10-æм съезд. Ссыдысты йæм дунейы 27 бæстæтæйы цæрæг ирон адæмы минæвæрттæ. Æрдзырдтой фидæны сæ цы ахсджиаг фарстатыл бакусын хъæуы, уыдоныл. Съезды фæстæ та се ппæт парахатæй сбæрæг кодтой сæ паддзахадон бæрæгбон. Сæ циныл бацин кæнынмæ сæм ссыдысты уазджытæ Сирийæ, Италийæ Абхази æмæ Донецкы республикæтæй. Горæты стадионы дыууæ мин 500 адæймагæй фылдæрæн равдыстой театралон равдыст — «Хуссар Ирыстон — хъæбатырдзинады истори». Изæры та уыд æнæ домæнтæй хъæбысхæсты турнир æмæ концерт. Архайдтой дзы Уæрæсейы зындгонд зарæггæнджытæ. Программæйы кæронбæттæн барæсугъд кодтой аив фейерверкæй. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv