Ирон драмон театры артистты абон суазæг кодтой фысджыты цæдисы

Ирон драмон театры артистты абон суазæг кодтой фысджыты цæдисы. Театры сфæлдыстадон къорд фембæлды уазджытæн равдыста, Байаты Гаппойы 150- азон юбилейы кадæн цы композици сæвæрдтой, уый. Архайдтой дзы театры æрыгон артисттæ. Байты Гаппойы руаджы рухс федта Хетæгкаты Къостайы «Ирон фæндыр». Артисттæ сæ сценикон композицийы бацархайдтой, се 'хсæн цы ахастдзинæдтæ уыд, уый ирдæй равдисын. Бакастысты сæ фыстæджытæй скъуыддзæгтæ, Хетæгкаты Къостайы æмдзæвгæтæ. Уыимæ ма уазджыты зæрдтæ барухс кодтой зарджытæй дæр. Ахæм фембæлдтæ театр æмæ фысджыты æнгом иумæйаг куыстæн хæссынц стыр пайда. Нæ республикæйы фысджыты цæдис йæ размæ бирæ хæстæ æвæры. Сæ иу у, цæмæй литературæ æмæ аивад иумæ рæсугъд къахдзæфтæ кæной. Цæмæй адæмы бон театры фенын уа, æрмæст классикты уацмыстæ нæ, фæлæ ног пьесæтæ æмæ спектакльтæ дæр. Уыимæ ма, архайынц, цæмæй нæ республикæйы ног драматургтæ дæр фæзына. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv