Æхсызгон лæвар

Нæ республикæйы хицауады сæрдар Тускъаты Таймураз скъолаты разамонджытæн балæвар кодта ног автобусы дæгъæлтæ. Кадджын мадзал сарæзтой абон Дзæуджыхъæуы. Ног автобустæ фæзынд Алагиры, Æрыдоны, Æрæфы, Кировы, Мæздæджы æмæ Горæтгæрон районты. Уымæй уæлдай ма ног автобустæ райстой Республикæйы Физикон-математикон лицей æмæ психологон-педагогон реабилитацийы центр. Æдæппæтæй 13 автобусы. Балхæдтой сæ федералон фæрæзтæй. Автобустæ дзуапп дæттынц нырыккон техникон домæнтæн. Ифтонг сты тахогрæфтæ æмæ системæ ГЛОНАСС-æй. Фæнысан ма кæндзыстæм уый, æмæ фидæны аз Цæгат Ирыстоны фæзындзæн ноджыдæр 13 ног ахæм автобусы. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv