Цæгат Ирыстоны паддзахадон университеты ирон филологийы факультет бæрæг кæны йæ 95 азы

Цæгат Ирыстоны паддзахадон университеты ирон филологийы факультет бæрæг кæны йæ 95 азы. Юбилейы фæдыл ахуыргæнæндоны концертон залы уыдис кадджын мадзал. Архайдта дзы республикæйы сæргълæууæг Битарты Вячеслав. Ирон æвзаджы райрæзтыл бирæ азты кæй фæллой кæнынц, уый тыххæй факультеты кусджытæн раарфæ кодта. Хуыздæрты та схорзæхджын кодта алыхуызон хæрзиуджытæй. Бирæ азты йе `нæзæрдæхудт фæллойы тыххæй ирон филологийы факультеты декан Хозиты Барисæн саккаг кодтой Ирыстоны намысы майдан. Бирæтæн радтой наукæйы æмæ ахуырады сгуыхт кусджыты нæмттæ, сдæй ма кады гæххæттытæ. Битарты Вячеславы ныхæстæм гæсгæ, факультетæн стыр æмæ кадджын истори ис. Бирæ зындгонд ахуыргæндтæ, фысджытæ æмæ поэттæ дзы рацыд. Сæйрагдæр та уый у, æмæ 90 азæй фылдæр ирон æвзагзонынады специалистты æмæ ахуыргæнджыты кæй цæттæ кæнынц. Уазджыты `хсæн ма уыд, Къостайы "Ирон фæндыр" абхазаг æвзагмæ чи ратæлмац кодта, уыцы поэт Геннадий АлАмия. Уый дæр хорзæхджынгонд æрцыд Ирыстоны намысы майданæй. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv