Хæсты фæстиуджытæ

Мæздæджы ссардтой Фыдыбæстæйы Стыр Хæсты рæстæг сармадзан. Специалисттæ куыд сбæрæг кодтой, афтæмæй уыцы хæцæнгарзы нæмыг немыцаг реактивон минометæй у. Фæсномыгæй йæ хуыдтой - Ванюша, зæгъгæ. Ныр сфæнд кодтой нæмыг схæцын кæнын æмæ йæ фехалын. Куыд рауад, уый федтой нæ уацхæсджытæ. Бæлвырддæр уын хабæрттæ радзурдзысты. Немыцаг реактивон сæрмадзаны нæмыг - хуымæтæг номимæ Ванюша, зæгъгæ. Срæмыгъта, фæлæ 75 азы фæстæ. Цæгат Ирыстонмæ уæд æрбафтыд. Кæддæр ацы ран цыдысты тугкалæн хæстытæ советон æфсæддонты æмæ фашистты хсæн. Кæй не *схæцыд раздæр, уый диссаг у. Ярослав Киреев: «Бынатмæ фыццаг хатт куы æрбацыдыстæм, уæд дзы ссардтам реактивон сармадзан. РЗ-250, Ванюша, зæгъгæ. Сæрмагонд куыстыты фæстæ нæмыг схæцын кодтам. Хæсты рæстæг нæ ныггуыпп кодта, фæлмæн зæххмæ кæй æрхауд, уый тыххæй». Сармадзаны нæмыг кæм ссардтой, уым хъуамæ мачи цæуа. Дард дзы куы лæууа, уæддæр. Гуыппы фæстæ йе схъистæ фæйнæрдæм фæтахтысты. Уыимæ ма специалисттæ сæдас кодтой 8 рæмудзæн æрмæджы: минæтæ æмæ гранаттæ. Уыдон дæр Фыдыбæстæйы Стыр хæстæй баззадысты. Сæрмагонд сгарæг къорд сармадзаны нæмыг ссардта Чысыл Малгобечы. Ам 1942 азы цыдис Фæскавказаг тох. Сырх æфсад ныхкъуырд радта немыцаг фашисттæн. Ныр ацы зæххыл æрмæст рагон хæцæнгæрзтæ ссарæн нæй, фæлæ ма `фсæддонты мæрдтæ дæр. Ахæм басгæрстыты фæрцы æбæрæгæй сæ нæмттæ нæ фесæфдзысты. Махмади Даулетов: «64 адæймаджы мардæй дзы фылдæр ссардтам, нæ куыстытæ куы райдыдтам уæдæй нырмæ. Дзаумæттæ дæр бирæ ссарæм. Гранаттæ, минæтæ æмæ æндæртæ. Бирæ дзы вæййы. Стæй сæ музейтæм арвитæм. Фæлæ ахсджиагдæр у, хæстчи фæмард, уыдоны ссарын». Специалисттæ куыд зæгъынц, афтæмæй ахæм сармадзантæ æмæ нæмгуытæ агурдзысты дарддæр дæр. Уымæн æмæ, кæд ацы бынатмæ хæстæг цæрæн хæдзæрттæ нæй, уæддæр адæмы æдасдзинадæн тæссаг сты. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv