Дзæуджыхъæуы филармонийы уыд Кокойты Агуындæйы хор «Алания»-йы концерт

Кокойты Агуындæйы камерон хор «Алания» аивадуарзджытæн ракодта æцæг лæвар. Бацæттæ сын кодта цымыдисаг концерт æмæ дзы акодта Советон Цæдисы рæстæджы зарджытæ. Концерт сарæзтой Мариинаг театры Дзæуджыхъæуккаг филиалы. Аивадон изæрмæ чи `рбацыд, уыдон дзы разыйæ баззадысты. Нæ уацхæссæг Плиты Хетæджы зæрдæ та цæмæй балхæдтой, уый радзурдзæн йæ дарддæры æрмæджы. 15 азæй фылдæр Кокойты Агуындæ саразы концерт Куадзæны бæрæгбонимæ бастæй. Ацы хатт дæр та - афтæ. Уæлахизы бæрæгбон кæй æрбахæстæг кæны, уый аивадон къорды разамонæгæй нæ ферох. Концертмæ бахаста, нæ бæстæйы кадджындæр бæрæгбон чи `вдисы, уыцы зарджытæ дæр. Уæлдай ахаст сæм ис къорды архайджытæм - советон салдæтты æвæджиауы хъæбатырдзинады `вдисæнтæ зæрдæ агайынц. Арæхдæр-иу концерттæ лæвæрдтой аргъуанты. Ацы хатт сæ фæткмæ бахастой ивддзинæдтæ. Концерт сарæзтой Мариинаг театры Дзæуджыхъæуккаг филиалы. Канд сæ бынат нæ, фæлæ ма фендæрхуызон программæ дæр. Адих æй кодтой 3 хайыл. Кокойты Агуындæйы курдиат рæстмæ рагæй сахадыдта Ирыстоны аивадыл. Уымæн ын аргъ кæнынц, йемæ æмæ йе `мхуызон чи кусы, уыдон дæр. Сæ иу – Дзанайты Ольгæ. Йæ ныхæстæм гæсгæ, алы ахæм концерт дæр тынг пайда у адæмæн - цы зарджытæ акæнынц, уыдон сты нæ авиады хъæздыгдæр æвæрæнты къæбицæй. Аивадон изæрмæ чи `рбацыд, уыдон концертæй разыйæ баззадысты. Бирæтæ дзы æнхъæлмæ кæсдзысты радон ахæм фембæлдмæ. Кокойты Агуындæ сын зæрдæ бавæрдта, иннæ азы ацы афон сæм йæхæдæг дæр æнхъæлмæ кæй кæсдзæн. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv