Фыдыбæстæйы Стыр хæсты архайæг танкистты хорзæхджын кодтой Дзæуджыхъæуы

Фыдыбæстæйы Стыр хæсты архайæг танкистты хорзæхджын кодтой Дзæуджыхъæуы. Мадзалы архайдтой хæсты æмæ фæллойы ветерантæ, æфсады службæгæнджытæ æмæ ветеранты советы уæнгтæ. Ацы мадзалмæ иузæрдионæй сæхи бацæттæ кодтой советы æмæ хæрзаудæн фонды уæнгтæ «Рука помощи», зæгъгæ. Уыдонæй уæлдай ма сæм уазæгуаты æрбацыдысты скъоладзаутæ æмæ уæлдæр ахуыргæнæндæтты студенттæ. Ветеранты Советы уæнгты ныхæстæм гæсгæ, алы аз дæр ахуырдзаутимæ егъау куыст цæуы, цæмæй уыдон зоной, кæй руаджы фæуæлахиз стæм, уый. Василий Воломдин, Хотыхджын тыхты танкист: «Ацы мадзал саразæм æрвылаз. Снысан кæнæм сæрмагонд пълан. Мадзалмæ æрбацæуынц бирæ скъоладзаутæ, æмæ уæлдæр ахуыргæнæндæтты студенттæ. Ныртæккæ йæ уæхæдæг уынут, æрыгæттæ цавæр цæстæгнас дарынц не 'мбырдтæм, уый. Уыимиæ ма сын стыр æххуыс сты нæ лекцитæ дæр. Ахуырдзаутæ лæмбынæг хъусынц дæсты ахуыргæнджытæм, ног зонындзинæдтæ исынц». 2018-æ азы бæрæггæнæнтæм гæсгæ, Цæгат Ирыстоны цæры æдæппæтæй 168 хæсты ветераны. Абоны æмбырдмæ дзы сæмбæлдысты 12 ветераны, уыдоны 'хсæн 3-йæ хотыхджын тыхты танкисттæ. Сæ иу - Василий Володин. Уый райгуырд 1939-æм азы Стъараполы областы. Каст фæци æфсæддон училищæ, стæй уæлдæр афицеры курсытæ, чысыл фæстæдæр та 1958-æм азы йæ арвыстой æфсадмæ. Уыд Туркестан æмæ Германы. Уыд танчы взводы командир. Стæй та йæ уæд раивтой Дзæуджыхъæумæ. Василий Володин абон разыйæ баззад ацы фембæлдæй. Æхсызгон ын у, ветерантæм æмбæлгæ цæстард кæй цæуы, уый. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv