Документалон кинонывы премьерæ «Людмила Алексеева. По старшинству мысли»

Документалон кинонывы премьерæ «Людмила Алексеева. По старшинству мысли» абон уыд Кинойы хæдзары. Систа йæ режиссер Сæлбиты Аким. Равдыста дзы зындгонд æхсæнадон архайæг Людмилæ Алексеевæйы зын цард. Уыди адæмы бартæ хъахъхъæнæг, Мæскуыйы æмæ Хельсинкæйы къорд саразæзджытæй иу. Кинонывы хъайтар многолоджы хуызы дзуры, царды цы зындзинæдтыл сæмбæлди, уый тыххæй. Зæрдæмæхъаргæ сты йæ ныхæстæ хæсты рæстæг цы бавзæрста, уымæй. Радзырдта, ныртæккæ нæ бæстæ цы уавæры ис, уый тыххæй дæр. Фарон кинонывæн стыр аргъ скодтой адæмы бартæ хъахъхъæныны æппæтдунеон кинофестивалы «Сталкеры».  Сæлбиты Акимы киноныв фенынмæ бацыдысты авторы хæстæджытæ, йе `мкусæгтæ æмæ йын йе сфæлдыстадæн аргъ чи кæны, уыдон. Ахæмтæ дзы разынд дзæвгар. Битарты Индирæ: «Абон æбацыдыстæм Акимæн йæ ног куыстмæ бакæсынмæ. Уыдзæни тынг хорз, уый тыххæй æмæ цыдæриддæр саразы Аким уыдонмæ зæрдæ нæ фехсайы. Цы зарæг, цы кино, цыдæриддæр абон фендзыстæм, уыдон адæмы зæрдæмæм тынг фæцæуынц. Йæ куыстытæ мæ зæрдæмæ дæр тынг цæуынц». Документалон кино фенынмæ æрбацыди зындгонд режиссер Гулуты Вячеслав. Уый Акимæн зæрдæбын ныхæстæ ракодта æмæ йын раарфæ кодта йе `нтыстдзинæдты тыххæй. Профессионалон цæстæнгасæй æрныхас кодта документалон кинонывыл. Сфæлдыстадон изæры Сæлбиты Аким куыд фехъусын кодта, афтæмæй цæттæ у кинонывы дыккаг хай дæр. Фæлæ йæ адæмæн равдисынмæ нæма хъавы. _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv