Уарз дæ мадæлон æвзаг

Хуссар Ирæй фæстæмæ Цæгатмæ раздæхæм æмæ, ныртæккæ кæй равдыстам, уыдонæй кæстæрдæрты кой ракæнæм. Уыдон та уал æнæмæтæй сæ рæстæг æрвитынц фæлладуадзæн лагерьты. Иу ахæмы тыххæй у нæ ацы æрмæг дæр. Уæлдайдæр та уымæн, æмæ дзы ирондзинадæн стыр аргъ кæй кæнынц. Цыбыр рæстæгмæ сывæллæттæ бацæттæ кодтой цымыдисаг мадзал. Æрдзырдтой дзы, нæ фыдæлтæ нын цы хæзнатæ ныууагътой, уыдоныл. Мадзалмæ æрбацыдысты сабиты ныййарджытæ дæр. Уыдон сæ цуры бынтон фæныфсджын сты æмæ сæхицæй чысыл актертæ ацарæзтой. Равдыстой цыбыр театралон нывæфтыд. Чызджытæ та сæ къухарæхстдзинад фенын кодтой къуымбилимæ архайынæй. Лæппутæ та акодтой «Зиуæтты зарæг». Бакастысты ма æмдзæвгæтæ, уæдæ сæ уазджыты æнæ ирон уæздан кафтæй дæр нæ ауагътой. Уымæй уæлдай ма сын Уæрæсейы адæмон нывгæнæг Челæхсаты Магрез сарæзта дæсныйад æвдисæг ахуыртæ. Сахуыр сæ кодта дæсныйады сусæгдзинæдтыл. Курдиатджын сывæллæттæ сæхи тынг зæрдæргъæвдæй равдыстой. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv