Стадион "Спартак"-ы арæзтадон куыстытæ сты сæ тæмæны
Æвæццæгæн æмæ, стадион "Спартак"-ы арæзтад цас фарстатæ сæвзæрын кодта æхсæнадмæ, афтæ иу объект дæр нæ. Йæ байгом кæныны æхсызгон цаумæ æнхъæлмæ кæсынц футбол уарзджытæ. Ныридæгæн йæ сæйраг хай у цæттæ. Футблон фæзы уæлцъар тауын райдыдтой абон райсомæй Волгоградæй специалисттæ. Йæ эксплуатацийы æмгъуыд у 5 азы. У æнцонзылд æмæ хæрзхъæд æрмæджытæй арæзт. Кæрдæджы бын ма ис дыууæ цъары, хуыр æмæ хъарм чи дæтты, ахæм змисæй. Уымæй уæлдай ма, фæз донæй æфсаддзысты автоматикон æгъдауæй. Стадионы куыстытæ дарддæр цæуынц, фæлæ фæзы уæлцъарæн тæссаг нæу. Стадионы кæронмæ фæхæццæ кæнынц бетонæй куыстытæ дæр. Ныгуылæн трибунæйы æвæрынц æфсæйнаг конструкцитæ. Мидæгæй та цæуынц сæрдæн куыстытæ. Фыццаг æмæ цыппæрæм сектортæ цæттæ сты ахорынмæ. Скæсæйнаг трибунæйы та куыстытæ кæронмæ сæххæст кодтой. Ныридæгæн ахорынц æфсæйнаг конструкцитæ. Аразынц контролон-уадзæн пункттæ. Къуырийы фæстæ трибунæты сывæрдзысты бандæттæ. Ныридæгæн кусджытæ цæттæ кæнынц бетоны уæлцъар. Къуылымпыдзинæдтæ нæй рухсдæттæн системæтимæ дæр. Балхæдтой сæ раззагдæр куыстуæттæй иуы. Ныридæгæн объекты кусынц 200 адæймагмæ 'ввахс. Куыстытæ сты сæ тæмæны. Специалисттæ архайынц объект æмгъуыдæй раздæр раттыныл.
Æвæццæгæн æмæ, стадион "Спартак"-ы арæзтад цас фарстатæ сæвзæрын кодта æхсæнадмæ, афтæ иу объект дæр нæ. Йæ байгом кæныны æхсызгон цаумæ æнхъæлмæ кæсынц футбол уарзджытæ. Ныридæгæн йæ сæйраг хай у цæттæ. Футблон фæзы уæлцъар тауын райдыдтой абон райсомæй Волгоградæй специалисттæ. Йæ эксплуатацийы æмгъуыд у 5 азы. У æнцонзылд æмæ хæрзхъæд æрмæджытæй арæзт. Кæрдæджы бын ма ис дыууæ цъары, хуыр æмæ хъарм чи дæтты, ахæм змисæй. Уымæй уæлдай ма, фæз донæй æфсаддзысты автоматикон æгъдауæй. Стадионы куыстытæ дарддæр цæуынц, фæлæ фæзы уæлцъарæн тæссаг нæу. Стадионы кæронмæ фæхæццæ кæнынц бетонæй куыстытæ дæр. Ныгуылæн трибунæйы æвæрынц æфсæйнаг конструкцитæ. Мидæгæй та цæуынц сæрдæн куыстытæ. Фыццаг æмæ цыппæрæм сектортæ цæттæ сты ахорынмæ. Скæсæйнаг трибунæйы та куыстытæ кæронмæ сæххæст кодтой. Ныридæгæн ахорынц æфсæйнаг конструкцитæ. Аразынц контролон-уадзæн пункттæ. Къуырийы фæстæ трибунæты сывæрдзысты бандæттæ. Ныридæгæн кусджытæ цæттæ кæнынц бетоны уæлцъар. Къуылымпыдзинæдтæ нæй рухсдæттæн системæтимæ дæр. Балхæдтой сæ раззагдæр куыстуæттæй иуы. Ныридæгæн объекты кусынц 200 адæймагмæ 'ввахс. Куыстытæ сты сæ тæмæны. Специалисттæ архайынц объект æмгъуыдæй раздæр раттыныл.