Наукæимæ æмхиц

Тæмисчъы фыццаг сæрдыгон лаборатори «ГиперКУБ»-æн йæ куыст кæронмæ æрхæццæ. 9 азæй 14 азы онг кæуыл цæуы, ахæм сывæллæттæ, æдæппæтæй 30 адæймаджы ахуыр кодтой хими, физикæ, промышленнон дизайн æмæ компьютерон программæтæ аразыны сусæгдзинæдтыл. Дæсныйад æвдисæн ахуырты рæстæг кодтой наукон иртæстытæ дæр. Фидæны ахуыргæндтимæ базонгæ не сфæлдыстадон къорд. Æфсæнты Æхсар техникон дæсныйадмæ йе ргом рагæй аздæхта. Фидæн нырыккон технологитимæ баст кæй у, уый лæппуйы уырны. 12 аздзыд сывæллон ахуыр кæны физикæ, биологи æмæ генетикон инженери. Фæнды йæ стыр ахуыргонд суæвын æмæ ног æрхъуыдыдзинæдтæ царды апарахат кæнын. Тæмисчъы сæрдыгон лагеры йæ зонындзинæдтыл бафтыд. Фæзынд æм ног хъуыды -скафандры автономон экзоскелет саразын. Уыимæ æндæр планетæтæ, кæд дзы цæрджытæ ис, уæд сæ æрбангон скæнын. Йæ проектыл бæстон бакуыста. Цымыдисаг хъудытæ бирæ. Æвзонг иртасгæнджытæм ис бирæ стыр æмæ æгъау бæллицтæ ис. Сæ зондахаст æмæ æрхъуыдыдзинад та дисы æфтауы. Сæрдагон лабораторийы иумæ æрæмбырд сты алыхуызон конкурсты æмæ олимпиадæты уæлахиздзаутæ. «ГиперКУБ»-ы ахуыртæ дыууæ хайыл адих кодтой. Софтскилз æмæ хардскилз. Хуымæтæг æвзагæй æнцон æмæ зын ахуыртæ. Фыццаг блокæн дзуапп дæтты тренер. Теорийы фæстæ практикæ. Бизнес-тренер Борис Жогинæн сæйрагдæр у ахуырты фæрцы фабитæн сæ курдиат рагом кæнын. Уый фæстæ иумæйаг проекттæ дæр фæзынынц. Борис Жогин: «Боны дыккаг хай вæййы, Хардскил кæй хонæм, уыцы ахуыртæ. Скилтæ сты робототехник, чырæ телефонтæн программæтæ æмæ уæлæфтуантæ. Сæ сæйраг нысан - ныры онг сæм цы зонындзинæдтæ ис, уыдон фæфылдæр кæнын. Зæгъын хъæуы уый æмæ суанг 9-аздзыд сывææллæттæ дæр сæ хæслæвæрттæ сæххæст кодтой». Проект у æрыгон ахуыргæндты хъæппæрис. Афæдзмæ йæ минæвæрттæ рамбылдтой 500 мин сомы президенты грант. Уыдонæй сарæхтой «ГиперКУБ» дæр. Инга Тваури: «Инновацитæн æххуысы фондимæ нæ ассоциаци афдзы дæргъы сарæзта республикæйы курдиатджындæр сывæллæтты номхыгъд. Базæмæ бахастам республикæйы алы районтæй 800 адæймаджы. Фæнды нæ цæмæй сывæллæттæ райсой ног фæлтæрддзинад, стæй технологон разамонæджы миниуджытæ. Махæн уый нæ сæйраг хæс у. Ацы сабитæ сты фыццаг фæлтæр. Аразджыты ныхæстæм гæсгæ лагерь нырма фæлварæны хуызы кусы. Цы куыст бакодтой, ууыл разы сты. Уымæ гæсгæ сæ хатдзæг иу у - æрыгон ахуыргæндтæн сæрдыгон лаборатори иннæ аз йæ дуæрттæ байгом кæндзæн. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv