Цæгат Ирыстоны дарддæр цæуы цæрджыты Æппæтуæрæсеон рафыст

15 октябры Цæгат Ирыстоны, куыд æппæт Уæрæсейы афтӕ, райдыдта цæрджыты рафыст. Ахæсдзæн 14-æм ноябрмæ. Ацы аз процедурæйы фæзынд ногдзинад. Ацæуæн æй ис хибарæй, паддзахадон лæггæдты порталы. Уыимæ ма, специалисттæ зилынц хæдзæрттыл. Цæрджыты рафысты фыццаг хатдзæгтæ скæндзысты 2021 азы кæрон. Æрвылбон рафысты рæстæг Горæтгæрон районы специалисттæ цы информаци сæмбырд кæнынц, ууыл бакусынц ам. Рубайты Валентинæ рафысты архайы æртыккаг хатт. Сылгоймаг куыд зæгъы, афтæмæй ацы аз процедурæ зынгæ фенцондæр. Ныр дзы республикæйы цæрджыты бон у бацархайын электрон хуызы. Фæлæ уæддæр инфморацийы фылдæр хай специалисттæ æмбырд кæнынц хæдзæрттыл зилгæйæ. Рафысты бацархайæн ис сæрмагонд хайæдты. Республикæйы сты 212. Рафысты фӕрстытӕн дзуапп раттӕн ис паддзахадон лæггæдты бирæвæрсыг центрты дӕр. Уымæй уæлдай ма, специалисттæ зилынц хæдзæрттыл. Пайда кæнынц плашеттæй. Рафысты ис 33 фарстайы. Дих сты дыууæ хайыл. Фæнысан дзы кæнын хъæуы кар, æвзæгты зонынад, адæймаг кæм райгуырд, ахуырад, цал сывæллоны ис адӕймагӕн, кæм кусы æмæ ӕндӕртӕ. Ацы аз рафысты процедурæйы фæзынд ногдзинад. Бацархайæн дзы ис паддзахадон лæггæдты порталы. Куыд компьютерæй пайда кæнгæйæ, афтæ чырæ телефоны сæрмагонд уæлæфтуаны руаджы дæр. Афтӕмӕй, специалистты ныхæстæм гæсгæ, æвзæр эпидемиологон уавæр хынцгæйæ, адæмы æнæниздзинад дæр бахъахъхъæнæн ис. Электрон хуызы рафыст кæронмæ æрхæццæ уыдзæн 8 ноябры. Æппæтуæрæсеон рафыст райдыдта 15 октябры. Ахæсдзæн 14 ноябрмæ. Йæ хатдзæгтæм гæсгæ сæмбырд кæндзысты демографион, социалон æмæ экономикон бæрæггæнæнтæ хицæн регионтæ, хъæутæ æмæ горæтты. Рафысты фыццаг къæпхæны бæрæггæнæнтæ фенæн уыдзæн 31 майы онг. Хуасдзауты Алинæ _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv