Уæззау атлетикæйæ уæрæсейаг спортсменты допинджы тыххæй ерыстæй систой

Уæззау атлетикæйæ уæрæсейаг спортсменты допинджы тыххæй ерыстæй систой. Се `хсæн цæгат-ирыстойнæгтæ дæр - дунеон чемпионтæ Æлбегаты Руслан æмæ Тъуриты Тимæ. Уый тыххæй хъусын кæнынц Уæззау Атлетикæйы дунеон федерацийы официалон сайты. Æдæппæтæй ерыстæй систой 5 уæрæсейаг спортсмены - Давид Беджанян, Олег Чен æмæ ма Егор Климоновы дæр. Хъусынгæнинагы куыд фыст ис, афтæмæй ацы штангисттæ ерыстæй ист æрцыдысты рæстæгмæ. Цалынмæ сæрмагонд иртæстытæ арæзт не ‘рцæуой, уæдмæ. Ахæм уынаффæ рахастой, Мæскуыйы допинджы ныхмæ лаборатори дунеон агентадмæ цы иртæстытæ арвыста, уыдоныл æнцайгæйæ.  Спортсментæ нысангонд домæнты сæрты кæй нæ ахызтысты, уый куы рабæрæг уа, уæд рахæсдзысты æндæр уынаффæ. Уæ зæрдыл уын æрлæууын кæндзыстæм, Æлбегаты Руслан у 2012 азы Олимпаг хъæзтыты бронзæ, дунеон æмæ европæйы ерысты фæйнæ 2 сызгъæрин майданты хицау. Тъуриты Тимæ та у уæззау атлетикæйы 2013 азы ерысты уæлахиздзау. 2 æвзист майданы хицау æмæ Европæйы чемпионатты раззагдæр спортсменкæ. 2015 азы Допинджы ныхмæ дунеон агентад Уæрæсейы хайад сæрмагонд кодексы домæнтæ кæй не `ххæст кæны, уый тыххæй рахаста уынаффæ. Уæд ын йæ куыст баурæдта. 2018 азы йæ байгом кодта. Цы бæрæггæнæнты базæ дзы ис, уый нырмæ дæр иртасы.  _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv