Цæгат Ирыстонæй рацæуæг хъæбатырты нæмттæ æрымысыдысты Дзæуджыхъæуы

Цæгат Иырстонæй рацæуæг хъæбатырты нæмттæ æрымысыдысты Дзæуджыхъæуы, Намысы Мемориалы. Кадджын мадзалы архайдтой хæстон архайдты ветерантæ, гæрзифтонг тыхты æмæ барадхъахъхъæнæн оргæнты минæвæрттæ. Сæ хæс сæххæст кодтой республикæйы скъоладзаутæ дæр. Æрвылаз, 9-æм декабры Уæрæсейы бæрæг кæнынц Фыдыбæстæйы Хъæбатырты Бон. 250 азæй йæ фылдæр бæрæг кæнынц. Советон Цæдисы рæстæг та ахæм хъæппæрисæй снысан кодтой Советон Цæдисы Хъæбатыры ном. Схорзæхджын дзы кодтой 11 мин адæймагæй фылдæр, 79 адæймаджы сты Ирыстонæй. 12 цæгатирыстойнагæн саккаг кодтой Намысы оредны æххæст кавалерты ном. Уый фæстæ сфидар кодтой Уæрæсейы Хъæбатыры хорзæх. Уымæн не*мзæххонтæй снысан кодтой 15 адæймаджы. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv