ЦИПУ-йы уыд сæрмагонд æфсæддон операцийы архайджытæн баххуыс кæныны нысанимæ концерт

Цæгат Ирыстоны паддзахадон университеты уыд сæрмагонд æфсæддон операцийы архайджытæн баххуыс кæныны нысанимæ концерт. Цы фæрæзтæ дзы æрæмбырд, уыдон арвитдзысты нæ хæстонтæн æххуысæн. Мадзаларазæг - хими, биологи æмæ биотехнологиты факультет. Сценæйыл студенттæ равдыстой зындгонд авторты уацмыстæй монологтæ. Университеты сфæлдыстадон къордтæ бацæттæ кодтой сæ хуыздæр зарджытæ æмæ кæфтытæ, иуылдæр адæймаджы зæрдæйы гуырын кодтой патриотон æнкъарæнтæ. Концертмæ æрбацыд 100 адæймаджы бæрц, се 'хсæн - сæрмагонд æфсæддон операцийы архайджытæ, уæлдæр ахуырадон уагдоны разамынд æмæ педагогтæ, Адæмон фронты минæвæрттæ. Сæфт хъæбатырты ном æрымысыдысты минут æдзæмæй алæугæйæ.