Фæсивæды фæндтæ

«Шумные выходные», зæгъгæ, ахæм акци сарæзта æппæтуæрæсеон адæмон фронты фæсивæдон хайад. Архайдтой дзы 14-æй 35 азы онг кæуыл цæуы æмæ йæ курдиат равдисын кæй фæндыд, уыдон. 20 -мæй 22-æм апрелмæ акци уыдзæн Уæрæсейы алы регионты дæр. Дзæуджыхъæуы къуырийы кæрон уаргæ кæй кæндзæн, уымæ гæсгæ акци абон сарæзтой. Ногарæзт Терчы былгæрæтты фæсивæд зарыдысты, кафыдысты, дзырдтой æмдзæвгæтæ æмæ цагътой музыкалон инструменттыл. Коцойы фырты уынджы арæзт цымыдисаг программæ æрæмбырд кодта бирæ адæмы. Æрбацæуджытæн та уæлдай æхсызгон уыд уырыссаг æмæ фæсарæйнаг классикты чингуытæ лæварæн райсын. Ахæм хуызы фæсивæд се ппæты разæнгард кæнынц литературæ кæсынмæ. Мадзал аразджытæ сæ зæрдæ дарынц, акци арæхдæр арæзт кæй цæудзæн, ууыл. Ахæм хуызы бæрæг кæндзысты курдиатджын фæсивæды æмæ сын æххуыс кæндзысты. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv