Фæндæгтæ аразæн рæстæг Цæгат Ирыстоны кæронмæ æрхæццæ кæны

Фæндæгтæ аразæн рæстæг Цæгат Ирыстоны кæронмæ æрхæццæ кæны. Йæ фæлгæты, нæ республикæйы алы районы дæр цæуынц егъау арæзтадон куыстытæ. Куыд цæуынц, уымæ абон аркаст Дзæуджыхъæуы администрацийы сæргълæууæг Фæрниаты Тамерлан. Ацы сезоны хъуамæ сцалцæг кæной горæты фæндæгты 28 уаццаджы. 23 дзы ныридæгæн арæзт фесты, хæдтулгæтæ дзы скъæрынц. Цы хæйттæ ма дзы баззад, уыдон кæронмæ цалцæггонд фæуыдзысты афæдзы кæронмæ. Куыстытæ æххæстгонд цæуынц «Безопасные и качественные дороги», зæгъгæ, федералон программæйы руаджы. Фæрниаты Тамерлан, Фæндæгты фонды разамонæгимæ иумæ, федта Мамсыраты Хаджумары номыл, Калинины æмæ Хъойбайты номыл уынгтæ. Хъойбайты уынджы цалцæггæнæн куыстытæ чысыл фæстиат кæнынц, асфальты зæронд хай кæй систой, уый тыххæй. Ныртæккæ дзы хъæуы дондзæуæн хæтæлтæ баивын. Арæзтадон компани сразы ис уыцы куыст хи хардзæй бакæнын. Фæуыдзысты дыууæ къуырийы фæстæ. Нæ уынджы нын ног асфальт кæй кæнынц, уымæй иууылдæр разы стæм. Фæткмæ гæсгæ чысыл кæй аззадысты фæстейы, уый тыххæй дæр нæ тыхсæм. Ног фæндаг кæй фæзындзæн, уый та цæй аргъ у. Аразджытæм нæхæдæг фæкæсынмæ цæттæ стæм. Уымæй уæлдай ма нын дондзæуæн хæтæлгтæ дæр ивынц. Бирæ азты цалцæггонд нæ уыдысты,заууат уавæрмæ æрцыдысты, ныр та сæ ногтæй раивдзысты. Цацлæггæнæн куыстытæ ацы уынджы фæуыдзыстæм дыууæ къуырийы фæстæ. Бынæттон цæрджытæн æмæ шофыртæн æнцон уыдзæн ныр. Фæндæгтæм базылдыстæм Павленкойы, Кутузовы æмæ Хъантемыраты номыл уынгты. Ныртæккæ йæ уынæм асфальты фыццаг хай уал кæй тауынц, уый. Кæд æмæ ма йыл ноджы иу хай æфтаудзысты, уæддæр зæгъæн ис, æмæ фæндаг æхæстæй конд у. Слæгъз ма йæ кæдзысты æмæ, æнхъæл дæн, адæмы зæрдæмæ цæудзæн. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv