Хуссар Ирыстон абон бæрæг кæны йæ хæдбардзинады бон

Хуссар Ирыстон абон бæрæг кæны йæ хæдбардзинады бон. Ацы бон республикæйы нымад у паддзахадон бæрæгбæттæй сæ кадджындæрыл. 26-æм августы 2008 азы Дмитрий Медведевы уынаффæмæ гæсгæ Уæрæсе Хуссар Ирыстоны банымадта хæдбар паддзахадыл. Ахæм уынаффæ рахастой Гуырдзыстоны æфсæддонтæ Цхинвалмæ куы рбабырстой уыцы цауты фæстæ. Уæд Хуссар Ирыстон æмæ Абхази Уæрæсемæ фæсидтысты сæ курдиатимæ, цæмæй сæ хæдбар паддзахадыл банымайой. 9 сентябры 2008 азы Уæрæсе æмæ Хуссар Ирыстон фæбæрæг кодтой æмгуыстады фæндæгтæ. 17-æм сентябры та бафыстой хæлардзинады бадзырд. 11 азы æмгъуыдмæ дыууæ паддзахады бафыстой алы къабазы 100 бадзырдæй фылдæр. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv