Дзæуджыхъæуы райдыдтой цъæхфæлыст нывыл кæнын

Дзæуджыхъæуы райдыдтой цъæхфæлыст нывыл кæнын. Хæстæгдæр рæстæг райдайдзысты дидинджытæ садзын. Уыдзысты бирæ алыхуызон мыггаг. Уыимæ ма, базилдзысты газонтæм дæр. Дзæуджыхъæуы цъæх фæлысты уавæрмæ кæсы ведомствæты 'хсæн арæзт къамис. Йæ уæнгтæ сты республикæйы Экологи æмæ æрдзон æвæрæнты министрад, Падззахадон автоинспекци æмæ æхсæнадон организациты минæвæрттæ. Æппæт куыстытæ дæр æххæст кæнынц паддзахадон стандарттæм гæсгæ. Администрацийы профилон хайады разамонæг, Азиты Маринæ куыд фæбæрæг кодта, афтæмæй фæстаг рæстæг куыстыты архайынц горæты цæрджытæ дæр. Цъæх фæлыст нывыл кæныны куыстытæ ахæсдзысты фæззæгмæ. Базилдзысты фæзтæм æмæ сквертæм. Зæгъæн ис, æмæ горæт æнæхъæнæй нывылгонд æрцæудзæнис. Уалдзæджы æмæ сæрды та горæт саив кæндзысты дидинджыты декоративон композицитæй. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv