Цæгат Ирыстоны хæхты агурынц сыгъзæрины æвæрæнтæ

Уæрæсейы геологтæ сбæрæг кодтой Цæгат Ирыстоны хæхтæ. Æфсæндур-Ламардоны цы æрзæттæ ис, уым раиртæстой сыгъзæрины æвæрæнтæ. Сæ хъуыдымæ гæсгæ, ацы ран ссарæн ис сыгъзæрины 75 тоннæйы. Бынат иртасынц паддзахадон бадзырдмæ гæсгæ. Бафыстой йæ холдинг «Росгеология» æмæ Цæгат Кавказы æрдзон æвæрæнты департамент. Дыууæ азмæ, зæхх хуынкъгæнæн кусæнгæрзтæй пайдагæнгæйæ, геологтæ 9 раны скодтой арф хуынчъытæ. Уыцы куыстæн хæстæгдæр рæстæг скæндзысты хатдзæгтæ. Хæххон-æрзæткъахæн куыстытæн иртæстытæ сараздзысты лабораториты дæр. Уым рабæрæг кæндзысты, æрзæты сызгъæрин цас ис, уый. Иртасæн мадзæлттæн радих кодтой 2 хайы Ламардоны æмæ Хохы Хъахъхъæдуры цур. Геологты ныхæстæм гæсгæ, æппæт куыстытæ æххæстгонд цæуынц, æрдзхъахъхъæнæн мадзæлттæ хынцгæйæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv