Экспедици «Коста Хетагуров - рыцарь дружбы и братства» цæуы абон æмæ райсом

Цæгат Ирыстоны паддзахадон университеты студенттæ бабæрæг кодтой, Хетæгкаты Къоста Цæгат Кавказы кæм уыдис, уыцы бынæттæ. Экспедици «Коста Хетагуров – рыцарь дружбы и братства» цæуы абон æмæ райсом. Журналистикæйы, аивæдты, историон, уырыссаг æмæ ирон филологийы студенттæ дыууæ боны `мгъуыдмæ абалц кодтой Кисловодск, Пятигорск æмæ Лабæмæ Хъæрæсе-Черкесийы. Студенттæ бацæттæ кодтой тематикон концертон программæ. Пятигорскы дидинджытæ сæвæрдтой Къостайы цыртдзæвæныл. Бюст Цæгат Ирыстон 2009 азы балæвар кодта бынæттон администрацийæн. Æвæрд ис Пятигорскы сæйраг уынгтæй иуы. Лабæйы дæр поэты цыртдзæвæныл сæвæрдзысты дидинджытæ æмæ равдисдзысты концертон программæ «Весь мир – мой храм». Сæ балцы тыххæй студенттæ фысдзысты радзырдтæ, эссе, репортажтæ, сараздзысты хуызистыты равдыстытæ. Зæгъын ма хъæуы уый, æмæ ацы аз Хетæгкаты Къостайы райгуырдыл æххæст кæны 160 азы, нæ республикæйы паддзахадон университет ын йæ ном хæссын куы райдыдта, ууыл та 80 азы. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv