Майлуу-Сууда билим берүү мекемелери онлайн окутууга өттү

Жалал-Абаддын Майлуу-Суу шаарында бардык билим берүү мекемелери онлайн окутууга өттү. Маалыматка ылайык, аралыктан окутуу абал турукташканга чейин уланат. Эскерте кетсек, 12-январда Майлуу-Сууда калкты таза суу менен камсыз кылуу үзгүлтүккө учураган. Анда суу куурлары тоңуп, басымы кескин төмөндөгөн. Шаардыктарга берилүүчү суунун көлөмү азайып, отканаларда жылуулук берүү системасына суу толук келбей калган.