Тускъаты Таймураз абон кусæг балцы æрзылд республикæйы ахсджиаг объекттыл

Нæ республикæйы хицауады сæрдар Тускъаты Таймураз абон кусæг балцы æрзылд республикæйы ахсджиаг объекттыл. Фыццаг бабæрæг кодта тарнизы диспансер æмæ федта, йæ арæзтад куыд цæуы, уый. Медицинон объект цæттæдзинад у 50%. Кусæг балцы рæстæг ма бабæрæг кодтой национ музей. Уæ зæрдыл уын æрлæууын кæндзыстæм, ныр дзы цалцæггæнæн куыстытæ кæй цæуы. Фæуыдзысты иннæ азы кæрон. Тускъаты Таймараз бабæрæг кодта 27-æм скъола дæр. Ныртæккæ дзы цалцæггæнæн куыстытæ цæуынц. бæстыхайы æппæт дуæрттæ сфидар кæндзысты. Объекты алывæрстæм куы базилой, уæд та банывыл кæндзысты скъолайы спортивон фæз. Кусæг балцы рæстæг ма бæрнон кусджытæ федтой 18-æм микрорайоны сывæллæтты рæвдауæндоны арæзтад. Бынат дзы уыдзæн 280 сывæллонæн. Уыдзæн дзы бассейн дæр. Абон ма кусæг балцы рæстæг Тускъаты Таймураз æмæ бæрнон кусджытæ бабæрæг кодтой Рахизфарсы, Æрæфы æмæ Алагиры районтæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv