Дзæуджыхъæуы кусын райдыдта æхсæнадон проект - "Молодежная Информ УИК"

Фæсивæды æппæтдунеон боны фæлгæты Дзæуджыхъæуы кусын райдыдта æмбал кæмæн нæй, ахæм æхсæнадон проект - "Молодежная Информ УИК", зæгъгæ. Студентты стыр къорд æвзæрстыты агъоммæ æмбæлдзæн се 'мгæрттимæ æмæ сæ зонгæ кæндзæн хъæлæс кæныны хуызтæ æмæ хицæндзинæдтимæ. Æрныхас ма кæндзысты æвзарæн участокты куысты рæстæг, стæй сæм ныридæгæн цы фæлтæрддзинад ис хъæлæс кæнынæй, ууыл. Проект саразыны хъæппæрис разынд æппæтуæрæсеон æркаст "Ахуыр кæнæм æвзарын"-ы призер æмæ фæсивæдон æвзарæн къамисы сæрдары хæдивæг Осиаты Давидмæ.