2023 аз Уæрæсейы фæлхасгæнджытæм цæстдарды управленийы кусджытæ æркастысты 486 курдиатмæ
Афтæ зæгъæн ис, æмæ цæрджытæ æрвылбон дæр сæмбæлынц æбæрнон уæйгæнджытимæ. Уыимæ, æнхъæл кæм нæ вæййынц, ахæм бынæтты. Æлхæнджытæ арæх фарста аиуварс кæныныл фæархайынц бынаты. Фæлæ фылдæр хатт фехъусынц "Уæ бæрндзырды æмгъуыд фæцис", кæнæ та "Товар баивæн нæй", зæгъгæ дзуæппытæ. Уый фæстæ стæмтæ фæсидынц æххуысы фæдыл Фæлхасгæнджыты бартæ хъахъхъæныны управленимæ. Йæ амондæн, аиуварс кæнын кæй бантыст, ахæм цау æрцыд Анастасия Галаганыл. Хъуыстгонд онлайн дуканитæй иуы рæдыдæй самал кодта наушниктæ. Товары аргъ ын уайтагъд фелвæстой банчы картæйæ. Сылгоймаг ма уæйгæнæгмæ бæргæ ныффыста. Фæлæ йын куыд бамбарын кодтой, афтæмæй товар баивæн кæнæ фæстæмæ радтæн нæй. Æххуысы фæдыл Анастасия фæсидт Фæлхасгæнджытæм цæстдарды управленимæ. Æмæ ахæм цаутæ управленийы специалисттæ куыд зæгъынц, афтæмæй чысыл не сты. Арæх курдиæттæ баст вæййынц онлайн-дуканитимæ. Ам цæрджытæ сæмбæлынц фылдæр фæлитой митил. Зæгъæм, товар æрбацæуы хъæндзинæдтимæ. Уымæ гæсгæ йæм лæмбынæг æркæсын фæхъæуы бынаты. Хъæндзинæдтимæ товарыл сæмбæлæн ис канд интернеты нæ. Ардæм хауынц хуымæтæг дуканиты хойрæгтæ, уæлæдарæс æмæ техникæ. Фæлхасгæнæджы товар баивын куы бафæнда, уæд æй уæйгæнæгæн йæ бон у экспертизæмæ арвитын. Сæ хæрзхъæддзинадæн сын аргъ скæнынц гигиенæ æмæ эпидемиологийы республикон центры. Гигиенæ æмæ эпидемиологийы республикон центры ис 4 бындурон лабораторийы. Ам специалисттæ бæрæг кæнынц хойрæгтæ, дон кæнæ уæлæдарæсы хæрзхъæдзинад. Дарддæр ын аргъ скæнынц æмæ йын бацæттæ кæнынц сæрмагонд хатдзæг. Республикæйы цæрджытæ уæлдæф чъизи у, зæгъгæ, куы бахъаст кæнынц, уæд специалисттæ æвæстиатæй араст вæййынц бынатмæ, сисынц дзы бæрæггæнæнтæ. Æрмæст ивгъуыд аз Уæрæсейы фæлхасгæнджытæм цæстдарды управленийы кусджытæ æркастысты 486 курдиатмæ. Арæхдæр цæрджытæ хъаст кæнынц товарты хæрзхъæддзинадæй. Специалисттæ æппынæдзух аразынц контролон-цæстдардæн мадзæлттæ. Уыимæ, интернеты тыгъдады бæрæг кæнынц æууæнчы нысаны системæ.
Афтæ зæгъæн ис, æмæ цæрджытæ æрвылбон дæр сæмбæлынц æбæрнон уæйгæнджытимæ. Уыимæ, æнхъæл кæм нæ вæййынц, ахæм бынæтты. Æлхæнджытæ арæх фарста аиуварс кæныныл фæархайынц бынаты. Фæлæ фылдæр хатт фехъусынц "Уæ бæрндзырды æмгъуыд фæцис", кæнæ та "Товар баивæн нæй", зæгъгæ дзуæппытæ. Уый фæстæ стæмтæ фæсидынц æххуысы фæдыл Фæлхасгæнджыты бартæ хъахъхъæныны управленимæ. Йæ амондæн, аиуварс кæнын кæй бантыст, ахæм цау æрцыд Анастасия Галаганыл. Хъуыстгонд онлайн дуканитæй иуы рæдыдæй самал кодта наушниктæ. Товары аргъ ын уайтагъд фелвæстой банчы картæйæ. Сылгоймаг ма уæйгæнæгмæ бæргæ ныффыста. Фæлæ йын куыд бамбарын кодтой, афтæмæй товар баивæн кæнæ фæстæмæ радтæн нæй. Æххуысы фæдыл Анастасия фæсидт Фæлхасгæнджытæм цæстдарды управленимæ. Æмæ ахæм цаутæ управленийы специалисттæ куыд зæгъынц, афтæмæй чысыл не сты. Арæх курдиæттæ баст вæййынц онлайн-дуканитимæ. Ам цæрджытæ сæмбæлынц фылдæр фæлитой митил. Зæгъæм, товар æрбацæуы хъæндзинæдтимæ. Уымæ гæсгæ йæм лæмбынæг æркæсын фæхъæуы бынаты. Хъæндзинæдтимæ товарыл сæмбæлæн ис канд интернеты нæ. Ардæм хауынц хуымæтæг дуканиты хойрæгтæ, уæлæдарæс æмæ техникæ. Фæлхасгæнæджы товар баивын куы бафæнда, уæд æй уæйгæнæгæн йæ бон у экспертизæмæ арвитын. Сæ хæрзхъæддзинадæн сын аргъ скæнынц гигиенæ æмæ эпидемиологийы республикон центры. Гигиенæ æмæ эпидемиологийы республикон центры ис 4 бындурон лабораторийы. Ам специалисттæ бæрæг кæнынц хойрæгтæ, дон кæнæ уæлæдарæсы хæрзхъæдзинад. Дарддæр ын аргъ скæнынц æмæ йын бацæттæ кæнынц сæрмагонд хатдзæг. Республикæйы цæрджытæ уæлдæф чъизи у, зæгъгæ, куы бахъаст кæнынц, уæд специалисттæ æвæстиатæй араст вæййынц бынатмæ, сисынц дзы бæрæггæнæнтæ. Æрмæст ивгъуыд аз Уæрæсейы фæлхасгæнджытæм цæстдарды управленийы кусджытæ æркастысты 486 курдиатмæ. Арæхдæр цæрджытæ хъаст кæнынц товарты хæрзхъæддзинадæй. Специалисттæ æппынæдзух аразынц контролон-цæстдардæн мадзæлттæ. Уыимæ, интернеты тыгъдады бæрæг кæнынц æууæнчы нысаны системæ.