Цæгат Ирыстоны хицауады уæнгтæ ныхас кодтой республикæйы ахсджиаг фарстатыл

Арвыкомы фæндагыл ацæуынмæ сæ радмæ æнхъæлмæ кæсынц 1 мин 900 уæзласæн хæдтулгæйы. Ныртæккæ таможнæ æмæ арæнхъахъхъæнæг службæ сæ куыст фæтынг кодтой. Рад къаддæр кæны. Уый тыххæй вице-премьер Томайты Ирбег фехъусын кодта аппаратон æмбырды. Амыдта йæ республикæйы сæргълæууæг Сергей Меняйло. Хицауады уæнгтæ ныхас кодтой арæзтады фарстатыл дæр. Регионы разамонæг Сергей Меняйло куыд бафиппайдта, афтæмæй ныртæккæ сæйрагдæр у арæзтадон фæзтæм афойнадыл рахизын. Уый тыххæй снысан кæнын хъӕуы сæрмагонд цæстдард. Ныхас цыд бæстæйы президенты æххуысгæнæгимæ æмбырды тыххæй дæр. Архайдтой дзы æххæстгæнæн хицауады æппæт федералон оргæнтæ. Ныр сæрмагонд протоколмæ гæсгæ, регионы дзуапдæттæг ведомствоты хъæуы æмгуыст кæнын федералон министрадтимæ. Къуырийы дæргъы цы хатдзæгтæм æрцæуой, уыдоны тыххæй дзуапп ратдзысты Уæрæсейы президентæн. Вице-премьер Тугъанты Ларисæ куыд радзырдта, афтæмæй ныридæгæн сбæлвырд сты, сывæллæтæ сæрдыгон-дзæбæхгæнæн рæстæг кæм арвитдзысты, ахæм 142 уагдоны. Аппаратон æмбырды ма куыд фехъусын кодтой, афтæмæй Беслæны æвзонг техникты æмæ бæстæзонæгты станцæты, стæй 500 бынатæн скъолайы арæзтад кæронмæ æрхæццæ. Радтой сæ эксплуатацимæ. Уымæй уæлдай, районы тагъд рæстæджы байгом кæндзысты сывæллæтты дыууæ рæвдауæндоны. Коронавирусы уавæрыл дзургæйæ, Уæрæсейы фæлхасгæнджытæм цæстдарды регионалон управленийы разамонæг Тыбылты Алан фæнысан кодта, хæцгæ низ кæмæ рабæрæг вæййы, уыдон 28% бæрц кæй фæкъаддæр сты, уый. Къуыримæ ковид рабæрæг 100 адæймагмæ. _________________________ Мы рядом в: vk.com/irystontv ok.ru/irystontv youtube.com/irystontv zen.yandex.ru/irystontv t.me/irystontv