Цæгат Ирыстоны рынчындæттæй иуы кусæджы ныхмæ байгом кодтой уголовон хъуыддаг

Республикон Клиникон рынчындоны, гинекологийы хайады медицинон хойы аххосджын кæнынц Уголовон кодексы 109 статьямæ гæсгæ. Уый тыххæй хъусын кæнынц Терчыфалейы районы прокуратурæйæ. Куыд зæгъынц афтæмæй, медицинон кусæг дохтыры ныхасмæ нæ байхъуыста æмæ рынчынæнæн сæвæрдта капельницæ. Сæмхæццæ дзы кодта 2 алыхузон хосы. Уыдон та иумæ кæнæн нæ уыди. Афтæмæй рынчынæн æвваст йе`нæниздзинад фæцудыдта. Дохтыртæ ма йæм фæтагъд кодтой, фæлæ байрæджы кодтой. Сылгоймаг йæ зæрдæйæ амард. Ныртæккæ уголовон хъуыддаг арвыстой Советон тæрхондонмæ. Уым æм дарддæр æркæсдзысты. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv